Walay problema uy! (Latest Sabong News)
CEBU, Philippines — Giklaro ni Kyline Alcantara nga wala silay problema ni Bianca Umali ug nga nanghinaot siya nga mahinayon ang plano nga pelikula alang nilang duha.
Giluwatan ni Kyline ang maong katin-awan human may mga nigawas nga istorya nga dili maayo ang tinagdanay nila ni Bianca ug ang rason niini mao ang ilang Kambal Karibal co-star nga si Miguel Tanfelix.
Suma pa ni Kyline sa exclusive interview sa pep.ph, okay sila ni Bianca ug nga bag-o lang sila nahuman sa ilang taping alang sa Daig Kayo Ng Lola Ko.
Suma pa niya, pasagdan na lang niya ang iyang bashers nga nagsige’g sabong nila ni Bianca gumikan kay nahibawo siya og unsay tinuod.
Inay magpaka negatibo matud pa, mas pilion niya nga magpa ka positibo ug bansayon iyang kaugalingon sa art of dedma.
